新盤攻略
抽一手新盤 5 步流程｜由睇示位到收樓入伙
第一次抽新盤，最怕「唔知規矩」：幾時入飛、本票點寫、抽中之後點算？以下係香港一手新盤由睇樓到收樓嘅 5 步流程。
第 1 步：參觀示範單位
開賣前發展商通常會開放示範單位（經改動＋無改動）。
帶樓書、度尺寸、問清楚交樓標準同價單，先決定心水單位。
第 2 步：入飛登記
揀好心水單位之後，喺指定時間內入飛（遞交購樓意向書）。
通常要準備本票（銀行本票）作訂金，抬頭寫發展商指定律師行，唔好寫自己名或代理名。
本票金額同抬頭以銷售安排為準，搞錯會入唔到飛。
第 3 步：抽籤揀樓
發展商會抽籤決定揀樓次序，通常分批（A 組／B 組）進行。
揀樓當日有指定時間，遲到可能喪失資格；有代理陪你，可以即場幫你調整策略。
第 4 步：轉介律師、銀行
成功揀樓後，要簽臨時買賣合約，之後聘請律師處理正式合約。
同時比較按揭方案：即供／建期、利率、回贈，揀最啱自己。
第 5 步：收樓入伙
收到發展商「收樓信」後，預約時間收樓。
建議請專業驗樓師驗樓，列明執修清單，確認先收鎖匙。
正式成為業主！
本票安全小貼士
本票抬頭＝發展商指定律師行，資金全程受監管。
成功揀樓：本票一部分會過戶做細訂；未抽中：全數退回，零風險。
全程由我哋跟進，唔使自己心掛掛。